165.
विठ्ठलयात्रे जाती वो माये । त्याचे धरीन मी पाये ॥
विठोबा माझी माहेर । भेटेन बुद्धि परिकर ॥
रखुमादेविवर विठ्ठले । मन ठेउनी राहिले निर्धारे ॥

अर्थ :
श्री विठ्ठलाची यात्रा करणारे वारकरी त्यांचे पाय मी धरिन. विठोबा माझे माहेरच आहे. त्यामुळे त्या माझा माहेरच्या लोकांच्या दर्शनाला मी मनापासुन जाईन. रखुमादेवीचे पती श्री विठ्ठल यांच्या चरणी माझे मन बांधुन मी निवांत राहिन असे माऊली सांगतात.