1456.
ऐसे काहो न करा काही । पुढे नाही नास ज्या ॥१॥
विश्वंभरा शरणागत । भूतजात वंदूनि ॥धृपद॥
श्रुतीचे का नेघा फळ । सारमूळ जाणोनि ॥२॥
तुका म्हणे पुढे काही । वाट नाही यावरी ॥३॥

अर्थ :
तुम्ही असे काही का करत नाही की ज्या कारणामुळे तुमचा नाश होणार नाही. सर्व भूतमात्रांना वंदन करून विश्वंभरा शरण का जात नाही श्रुतीचे सर्व सारतत्व हेच आहे. तुकाराम महाराज म्हणतात लोकहो हरीला शरण जाण्या ऐवजी दुसरा कोणताही मार्ग नाही तुम्ही हरीला शरण गेलात तर तुमचा पुढे नाश होणार नाही.