1736.
नको बोलो भांडा । खीळ घालून बैस तोंडा ॥१॥
ऐक विठोबाचे गुण । करी सादर श्रवण ॥धृपद॥
प्रेमसुखा आड । काय वाजाते चाभाड ॥२॥
तुका म्हणे हिता । का रे नागवसी थीता ॥३॥

अर्थ :
हे भांडखोर मनुष्या येथे हरिकथा चालू आहे त्यामुळे व्यर्थ बडबड करु नकोस तोंडाला खिळ घालून गप बस. आता विठोबाचे गुणगान ऐकण्यास तू सावध राहा आणि हरी कथा ऐकण्यास तत्पर रहावे. अरे येथे हरिकथा चे सुख चालू आहे आणि असे प्रेमसूख चालू असताना तू बडबड करून त्या प्रेम सुखाच्या आड का येत आहेस ? तुकाराम महाराज म्हणतात अरे तू हरी कथा ऐकून स्वतःचे हित करून घ्यावेस व्यर्थ बडबड करून स्वतःचा हिताला का अडवत आहेस.