1517.
नवजावा तो काळ वाया । मुख्य दया हे देवा ॥१॥
म्हणऊनि जैसे तैसे । रहणी असे पायाचे ॥धृपद॥
मोकळे हे मन कष्ट । करी नष्ट दुर्जन ॥२॥
तुका म्हणे काही नेणे । नवजे येणेंपरी वाया ॥३॥

अर्थ :
देवा तुमच्या चिंतना वाचून कोणताही काळ जाऊ नये हीच मुख्य दया तुमची आमच्यावर असू द्यावी. आम्ही जसे आहोत तसे तुमच्या पायाजवळ आहोत म्हणून तुमच्या चिंतना वाचून मोकळे ठेवले तर आम्हाला फार कष्ट होतील. आणि तुमचे जर चिंतन केले नाही तर आम्ही दुर्जन होऊ. तुकाराम महाराज म्हणतात आम्हाला शास्त्र वगैरे काही माहीत नसले तरी आम्ही वायाला जाणार नाही याची आम्हाला खात्री आहे.