2329.
भगवद्भाव सर्वांभुती । हेंचि ज्ञान हेंचि भक्ति । विवेक विरक्ति । याचि नावें ॥१॥
हे सांडुनीं विषयध्यान । तेंचि मुख्यत्वे अज्ञान । जीवींजीवा बंधन । येनेंचि दृढ ॥२॥
आठव तो परब्रह्मा । नाठव तो भवभ्रम । दोहींचें निजवर्म । जाण बापा ॥३॥
आठव विसर चित्ती । जेणे जाणिजेती । तेचि एक निश्चिती । निजरुप ॥४॥
स्मरण तेचि निजमुक्ति । विस्मरण तेचि अधोगति । ऐसे पुराणे गर्जती । बाह्मा उभारुनी ॥५॥
एका जनार्दनी । सहज निजबोध मनी । सबाह्माभ्यंतरी । पूर्ण परमानंद ॥६॥