3687.
(काला)
उपजोनिया पुढती येऊ । काला खाऊ दहींभात ॥१॥
वैकुंठी तो ऐसे नाही । कवळ काही काल्याचे ॥धृपद॥
एकमेका देऊ मुखी । सुखी घालू हुंबरी ॥२॥
तुका म्हणे वाळवंट । बरवे नीट उत्तम ॥३॥

अर्थ :
दहिभाताचा काला खाण्यासाठी आम्ही पुन्हा जन्म घेऊ. हा मधुर काला वैकुंठाताहि मिळत नाही. आम्ही हे काल्याचे घास एकमेवांच्या मुखात घालु त्यापासून मिळणाऱ्या आनंदात हुंबरि घालू. तुकाराम महाराज म्हणतात, यासाठी वाळवंट हे स्थान उत्तम आहे.