701.
माझा पाहा अनुभव । केला देव आपुला ॥१॥
बोलविले तेचि द्यावे । उत्तर व्हावे ते काळी ॥धृपद॥
सोडिलिया जग निंद । मग गोविंद म्हणियारा ॥२॥
तुका म्हणे धीर केला । तेणे याला गोविले ॥३॥

अर्थ :
माझा अनुभव तुम्ही पहा, मी देव आपला केला आहे. मी ज्यावेळी देवाला बोलतो त्यावेळी तो लगेच माझ्यापुढे येतो. जग निंदा सोडून दिले म्हणजे गोविंद आपण म्हणेल ते करतो. तुकाराम महाराज म्हणतात मी धैर्‍याने भक्ती करतो म्हणून देव माझ्या मध्ये गुंतला आहे.