38.
चित्त समाधान । तरी विष वाटे सोने ॥१॥
बहु खोटा अतिशय । जाणा भले सांगो काय ॥धृपद॥
मनाच्या तळमळे । चंदने ही अंग पोळे ॥२॥
तुका म्हणे दुजा । उपचार पीडा पूजा ॥३॥

अर्थ :
चित्त समाधानी असेल तर सोने सुध्दा विषासमान भासते. विषयलोलुपता जीवनाला घातक ठरते, तुम्ही विचारी गृहस्थ हे सर्व काहि जाणता. मनामध्ये प्रपंच्याविषयीची भोगलालसा असेल तर शरीराचा दाह चंदनाच्या उटिनेही कमी होत नाही. तुकाराम महाराज म्हणतात, प्रपंच्याविषयी आसक्ती असलेल्या माणसाला कितीही मिळाले तरि तो मनुष्य असंतृष्ट राहतो.