255.
संसार तीही केला पाठमोरा । नाही द्रव्य दारा जया चित्ती ॥१॥
शुभाशुभ नाही हर्षामर्ष अंगी । जनार्दन जगी होउनि ठेला ॥२॥
तुका म्हणे देहे दिला एकसरे । जयासि दुसरे नाही मग ॥३॥

अर्थ :
ज्याच्या चित्तात मनात द्रव्य संसार नसतो त्याने संसाराला पाठीमागे टाकले समजावे. चांगल्या वाईट गोष्टी शुभ अशुभ या विषयी आंनद खेद ज्याच्या मनात नसतो तो या जगात जनार्धन रूप होऊन राहिलेला असतो. तुकाराम महाराज म्हणतात आपला देह देवाला अर्पण केला त्याला या जगाशी काहीही कर्तव्य नसते.