1909.
ज्याचे गावी केला वास । त्यासी नसावे उदास ॥१॥
तरीच जोडिले ते भोगे । काही आघात न लगे ॥धृपद॥
वाढवावी थोरी । मुखे म्हणे तुझे हरी ॥२॥
तुका म्हणे हे गोमटी । दासा न घलावी तुटी ॥३॥

अर्थ :
ज्या प्रमुख व्यक्तीच्या गावात आपण वास केला त्या व्यक्तीविषय आपण उदास नसावेत. मग आपण जे काही धन जोडले आहे त्याचे भोग आपल्याला घेता येईल आणि कोणत्याही प्रकारचे कष्ट आपल्याला होणार नाहीत. हे हरी त्याप्रमाणे हे जगत रूपी तुझे गाव आहे आणि तेथे आम्ही राहतो मग आम्ही तुझ्याशी उदास राहून कसे चालेल त्यामुळे आम्ही तुझी थोरवी सतत वाढवत राहू आणि आम्ही तुमचेच आहोत असे मुखाने सतत म्हणत राहू. तुकाराम महाराज म्हणतात हे देवा तुमचे दास तुमच्या गावात राहात आहेत त्यामुळे त्यांना आनंदी राहू द्यावे त्यामध्ये कोणत्याही प्रकारची तुट राहू देऊ नये.