548.
नवजावे तेथे लागे जाणे | न करावे तेंचि लागे करणे |न बोलावे त्यासि लागे बोलणे | पडणे मागणे नेदी तया ॥१॥
कृष्णे देवकीये उदरा येणे | कंसा भेणे त्वा गोकुळासि जाणे |तेथे नंदाच्या गाई राखणे | संगती असणे गोंवळ्यांच्या ॥२॥
रण वानराची सेवा करी | पांडव किंकर विराटा घरी |हरिश्चंद्र डोंबा घरी पायकी करी | हे अपूर्व परियेसा ॥३॥
रुद्रे अंजनी उदरा येणे | रामाची सेवा वानरपणे |प्रसंग पडे तैसे वर्तणे | रूसणे न लगे कवणासी ॥४॥
स्वामीने सेवकाची सेवा करणे | नुपेक्षी कदान्न भक्षणे |म्हणवूनि अहंकार न धरणे | विषम संसार अरे जना ॥५॥
अवचट घडविती तुझिया भावा | घोर विस्मय होतो माझिया जीवा |विष्णुदास नामा विनवी केशवा | देवा तू करिसी ते बरवे ॥६॥