549.
आणीक काही या उत्तराचे काज । नाही आता मज बोलावया ॥१॥
भिन्न भेद हे भावना स्वभाव । नव्हे काही देव एकविध ॥धृपद॥
गुण दोष कोणे निवडावे धर्म । कोण जाणे कर्म अकर्म ते ॥२॥
तरि भले आता न करावा संग । दुःखाचे प्रसंग तोडावया ॥३॥
तुका म्हणे गुण गाई या देवाचे । घेई माझे वाचे हेचि धणी ॥४॥

अर्थ :
भगवंताच्या प्रेम भक्ती शिवाय आता माझ्या कडे दुसरे काहीच बोलावायास नाहि. भिन्न भिन्न भेद भावने प्रमाणे स्वभाव वेगवेगळे असले, तरी देव हा सर्व विविधतेमध्ये एक्तात्वाने भरलेला आहे. गुण व दोषाची निवड कोणत्या धर्मा वरून करावी ? कर्म व अकर्म यांची देखील निवड कशी करावी ? यांना कशा तऱ्हेने जाणावे ? आता कोणाचीच संगती धरू नये. यातच आपले भले आहे. त्यामुळे दुखाचे प्रसंग तुटले जातात. तुकाराम महाराज म्हणतात माझी वाणी या देवाचेच गुणगाण गात राहील यातच माझे समाधान आहे.