2.
वाराणशी यात्रे जाईन । प्रयाग तीर्थ पाहीन ।
त्रिवेणिये स्नान करीन । परि मी वीट नव्हेन ॥१॥
विठोबा पायीची वीट । मी कई बा होईन ॥ धृ ॥
गोदावरी यात्रे जाईन । बारा वरुषांचे फळ लाहीन ।
अब्जक तीर्थी स्नान करीन । परि मी वाट नव्हेन ॥२॥
मल्लिकार्जुन यात्रे जाईन । श्रीशैल्य शिखर पाहीन ।
पाताळगंगे स्नान करीन । परि मी वीट नव्हेन ॥३॥
मातापुर यात्रे जाईन । सह्याद्री पर्वत पाहीन ।
गहनगंगे स्नान करीन । परि मी वीट नव्हेन ॥४॥
कोल्हापूर यात्रे जाईन । महालक्ष्मी पाहीन ।
विशाळतीर्थी स्नान करीन । परि मी वीट नव्हेन ॥५॥
एका अंगुष्ठी तप करीन । पृथ्वीपात्रचि लाहीन ।
देह कर्वती देईन । परि मी वीट नव्हेन ॥६॥
बहुता पुण्यांच्या सायासी । चरण जोडले विटेसी ।
निवृत्तिदासु म्हणे परियेसी । परि मी वीट नव्हेन ॥७॥