904.
काम नाही काम नाही । जालो पाही रिकामा ॥१॥
फावल्या त्या करू चेष्टा । निश्चळ दृष्टा बैसोनि ॥धृपद॥
नसत्या छंदे नसत्या छंदे । जग विनोदे विव्हळतसे ॥२॥
एकाएकी एकाएकी । तुका लोकी निराळा ॥३॥

अर्थ :
मला कुठल्याही प्रकारचे काहीही कर्तव्य नाही बाकी काही काम नाही आता मी पूर्ण पणे रिकामा आहे. जे काही घडत आहे ते सर्व प्रारब्धाने घडते व मी ते फक्त निश्चळ बसून पाहण्याचे काम करत आहे. लोकांना नसते छंद लागले आहेत म्हणजे हा देह म्हणजे मी आहे व या देहा संबंधी असलेले लोक या छंदा मुळे सर्व जगाला दुखाणे त्रास होत आहे. तुकाराम महाराज म्हणतात पण मी मात्र एकटाच आहे सर्वाना पासून निराळा आहे.