1444.
तेच किती वारंवार । बोलो फार बोलिले ॥१॥
आता माझे दंडवत । तुमच्या संत चरणांसी ॥धृपद॥
आवडी ते नीच नवी । जाली जीवी वसती ॥२॥
तुका म्हणे बरवे जाले । घरा आले बंदरीचे ॥३॥

अर्थ :
हे संतांनो मी आत्तापर्यंत पुष्कळ बोललो आहे पण तेच तेच बोलू तरी किती वेळा ? आता ते बोलणे फार झाले आता माझे तुम्हा संत चरणांना दंडवत आहे. तुमच्या विषयी माझ्या मनामध्ये नित्य नवी आवड येऊन राहते. तुकाराम महाराज म्हणतात हे संत चरण दूर समुद्राच्या बंदरावर होते ते आता आमच्या जवळ आले हे फार बरे झाले.