2502.
आता तुम्ही कृपावंत । साधु संत जिवलग ॥१॥
गोमटे ते करा माझे । भार ओझे तुम्हासी ॥धृपद॥
वंचिले ते पायापाशी । नाही यासी वेगळे ॥२॥
तुका म्हणे सोडिल्या गाठी । दिली मिठी पायासी ॥३॥

अर्थ :
हे कृपावंत साधुसंत तुम्ही जिवलग आहात त्यामुळे तुम्ही आता, माझे हीत कशात आहे ते तुम्ही पहा व माझे हीत ज्यात आहे तेच तुम्ही करा कारण मी माझा सर्व योगक्षमाचा भार तुमच्यावर घातला आहे. मी तुमच्या पाया जवळ सर्व गोष्टीचे विवरण केले आहे आता त्यापेक्षा वेगळे काहीच उरले नाही. तुकाराम महाराज म्हणतात मी माझ्या मनातील सर्व गाठी तुमच्या पायाजवळ मोकळ्या करून तुमच्या पायाला मिठी दिली आहे.