60.
धन्य माझे भाग्य पूर्व पूण्ये फळासी आले । तरिच आवडले तुमचे सुख ॥
ऐसे बोल वो रुखमिणी । बहुत दिस होत माझे मनी ॥
जे चिंतित होतो आंतकरणी । ते फळासी आले ॥
की तुम्हासारिखा ना हो मजलागी । सोहोळा हा घ्यावा निज गुह्याचा ॥
काय सांगो आता सुखाची आवडी । देखोनी मन माझे ओढी तुमच्या पायी ॥
न करिता क्लेश पावले अवचिता । हे कृपा भगवंता केली मज ॥
बोधला म्हणे पूर्व भाग्ये पडिली मिठी । आता सांगसिल गोष्टी आंतरीच्या ॥