2137.
दुर्जनाचे अंग अवघेचि सरळ । नरकाचा कोथळ साठवला ॥१॥
खाय अमंगळ बोले अमंगळ । उठवी कपाळ संघष्टणे ॥धृपद॥
सर्पा मंत्र चाले धरावया हाती । खळाची ते जाती निखळे चि ॥२॥
तुका म्हणे काही न साहे उपमा । आणीक अधमा वोखटयाची ॥३॥

अर्थ :
दुर्जनाचेअंग म्हणजे सरळसरळ आहे त्यामध्ये त्याने नरकाचा कोथळा साठवलेला आहे. अमंगळ खातो आमंगळ बोलतो आणि त्याच्या संगतीत जे कोणी असतात त्यांचे बोलून बोलून सारख डोके उठवीत असतो. सर्प ला पकडण्यासाठी देखील मंत्र उच्चारले की सर्प हाती येतो परंतु दुष्ट माणसाची जात अशी असते की त्याला काहीही केले तरी ते हातात येत नाही. तुकाराम महाराज म्हणतात दुर्जन मनुष्याला जगातील कोणतीही वाईट उपमा सजेशी ठरतच नाही कारण त्यांच्या पेक्षा वाईट जगामध्ये कोणीही नसते.