1357.
देईल ते उणे नाही । याचे काही पदरी ॥१॥
पाहिजे ते संचित आता । येथे सत्ता करावया ॥धृपद॥
गुणा ऐसा भरणा भरी । जो जे चारी ते लाभे ॥२॥
तुका म्हणे देवी देव । फळे भव आपुला ॥३॥

अर्थ :
हा देव काहीही देऊ शकेल करण्याच्या पदरात कशाचीही कमतरता नाही. परंतु देवावर येवढी सत्ता करण्यासाठी आपल्याजवळ ही काही पुण्यकर्म असायला हवे. जो मनुष्य गाईला पुष्कळच चारा खाऊ घालतो त्या गुणा प्रमाणे ती गाय त्याला तो जेवढा चारा खाऊ घालेल तेवढे दूध देते. तुकाराम महाराज म्हणतात हरीच्या ठिकाणी आपला जसा भक्तिभाव असेल त्याप्रमाणे आपल्याला भक्तीचे फळ मिळते.