2533.
पाडावी ते बरी । गाठी धुरेसवे खरी ॥१॥
नये मरो लंडीपणे । काय बापुडे ते जिणे ॥धृपद॥
लुटावे भांडार । तरी जया नाही पार ॥२॥
तुका म्हणे नावे । कीर्ती आगळीने ज्यावे ॥३॥

अर्थ :
थोर व्यक्तीच्या गाठी पाडुन घ्याव्यात आणि त्यांचाच आश्रय घ्यावा हेच खरे आहे. भित्र्या पणाने जगु नये व अशा बापुडवाण्या जगण्याला तरी काय अर्थ आहे काय? ज्याला अंतपारच नाही असे एखादे भांडार लुटावे. तुकाराम महाराज म्हणतात आपले नांव व आपली किर्ती विशेष रूपाने उरावी असेच जगावे.