296.
न संडी अवगुण । वर्मे मानीतसे सिण ॥१॥
भोग देता करिती काई । फुटता यमदंडे डोई ॥धृपद॥
पापपुण्यझाडा । देता तेथे मोठी पीडा ॥२॥
तुका म्हणे बोला । माझ्या सिणती विठ्ठला ॥३॥

अर्थ :
दुष्ट माणसे कधी ही आपला अवगुण टाकीत नाहीत पण त्यांचा दोष त्यांना दाखवला कि मग त्यांना राग येतो. साधे त्यांना दोष जरी सांगितले तरी त्यांना सहन होत नाही पण पुढे मात्र यमाच्या स्वाधीन झाल्यावर डोक्यात यम दंड पडल्यावर हे काय करणार आहेत. यमलोकात पाप-पुण्याचा झाडा करताना फार मोठे दुख भोगावे लागते. तुकाराम महाराज म्हणतात मी अशा लोकांना बोललोतर हे कष्टी होतात पण हे विठ्ठला मी हे त्यांच्या भल्या करतात बोलतो आहे.