2590.
मुख्य आधी विषयत्याग । विधिभाग पाळणे ॥१॥
मन पावे समाधान । हेचि दान देवाचे ॥धृपद॥
उदासीन वृत्ति देही । चाड नाही पाळणे ॥२॥
तुका म्हणे नाही भय । सम सोय विषमाची ॥३॥

अर्थ :
परमार्थामध्ये प्रथम अहंकार आणि विषयांचा त्याग करावा आणि आपल्या वाटेला जो विधी भाग आहे त्याचे पालन करावे. त्यामुळे मनाचे समाधान होते आणि हेच खरे दान देवाचे आहे. देह वृत्ती विषयी उदासीनता असावी आणि त्याचे पालन पोषण करण्याची आवड नसावी. तुकाराम महाराज म्हणतात भेद आणि अभेद या अज्ञानाचा ज्यांच्या ठिकाणी त्याग झाला आहे त्यांना कोणत्याही प्रकारचे भय नाही.