1768.
नसावे ओशाळ । मग मानिती सकळ ॥१॥
जाय तेथे पावे मान । चाले बोलिले वचन ॥धृपद॥
राहो नेदी बाकी । दान ज्याचे त्यासी टाकी ॥२॥
होवा वाटे जना । तुका म्हणे साठी गुणा ॥३॥

अर्थ :
जो कोणाचाही निंदा करत नसतो त्याला सगळे लोक चांगले म्हणतात. तो जेथे जाईल तेथे तेथे त्याला मानसन्मान मिळतो आणि तो जसे बोलेल तसेच लोक वागतात. तो कोणाचीही बाकी ठेवत नाही आणि जर एखाद्याची बाकी राहिली तर त्याचे तो पटकन दान देऊन टाकतो. तुकाराम महाराज म्हणतात त्याच्या याच गुणामुळे लोकांना त्याची आवड लागते.