2581.
फोडिले भांडारे । माप घेऊनिया खरे ॥१॥
केली हरीनामाची वरो । मागितले आता सरो ॥धृपद॥
देशांत सुकाळ । झाला हारपला काळ ॥२॥
घ्यावे धणीवरी । तुका म्हणे लहान थोरी ॥३॥

अर्थ :
भक्ती चे खरे माप घेऊन मी परमार्थाचे भांडार फोडले आहे. आता मी हरी नामाची रेल चेल सर्वत्र केली आहे पूर्वी खूप नुकसान झाले होते आता ते मी संपवून टाकले आहे. देशामध्ये हरिनामामुळे सुकाळ आला असून पूर्वी जो हरिनामाचा दुष्काळ पडला होता तो दुष्काळ हरपला आहे. तुकाराम महाराज म्हणतात त्यामुळे लहान थोरांनी देखील हरिनाम तृप्ती होईपर्यंत घ्यावे.