77.
भक्ताविण देवा । कैचे रूप घडे सेवा ॥१॥
शोभविले येर येरा । सोने एके ठायी हिरा ॥धृपद॥
देवाविण भक्ता । कोण देता निष्कामता ॥२॥
तुका म्हणे बाळ । माता जैसे स्नेहजाळ ॥३॥

अर्थ :
भक्तावाचुन देवाची सगुण भक्ती कोण करेल ? भक्तामुळे भगवंताला महत्व प्राप्त होते. हीरा सोन्याच्या कोंदनातच शोभून दिसतो तसा भक्त व भगवंताचा परस्पर संबंध आहे. देवाशिवाय भक्ताला निष्कामभक्ती शिकविणारा कोणी नाही. तुकाराम महाराज म्हणतात की, आई आणि मुलाचा जसे प्रेमाचे नाते असते त्याप्रमाणे देव व भक्त यांचे नाते आहे.