921.
जिंकावा संसार । येणे नावे तरी शूर ॥१॥
येरे काय ती बापुडी । कीर अहंकाराची घोडी ॥धृपद॥
पण ऐशा नावे । देवा धरिजेतो भावे ॥२॥
तुका म्हणे ज्यावे । सत्कीर्तीने बरवे ॥३॥

अर्थ :
जो संसाराला जिंकतो तोच खरा शूर असतो व त्याचेच नांव शूरत्व आहे. बाकीचे माणसे हि मूर्ख आहेत कि बाकीच्यांच्या देहरूपी घोड्यावर अहंकार स्वार असतो. प्रतिज्ञा अशी करावी की, आपण देवाला दृढ हृदयात धरावे. तुकाराम महाराज म्हणतात जगणे असे असावे की, आपली कीर्ती कायम उरावी.