434.
धन्य भावशीळ । ज्याचे हृदय निर्मळ ॥१॥
पूजी प्रतिमेचे देव । संत म्हणती तेथे भाव ॥धृपद॥
विधिनिषेध नेणती । एक निष्ठा धरुनी चित्ती ॥२॥
तुका म्हणे तैसे देवा । होणे लागे त्यांच्या भावा ॥३॥

अर्थ :
ज्या भाविकाचे हृदय निर्मळ आहे शुद्ध आहे तो भक्त धन्य आहे. जो देवाची प्रतीमा करून मोठ्या प्रेमाने तिचे पूजन करतो, त्याच प्रतिमेच्या ठिकाणी त्याचा खरा भाव असतो, असे संत म्हणतात. ज्यांच्या चित्तात विधिनिषेध यांचा काहीही विचार नसतो, केवळ भगवंता वरच एकनिष्ठा असते, तुकाराम महाराज म्हणतात त्यांच्या भक्तीभावा सारखे स्वरूप देवाला धरण करावे लागते.