266.
भुंकती ती द्यावी भुंको । आपण त्यांचे नये शिको ॥१॥
भाविकांनी दुर्जनाचे । काही मानू नये साचे ॥धृपद॥
होईल तैसे बळ । फजीत करावे ते खळ ॥२॥
तुका म्हणे त्यांचे । पाप नाही ताडणाचे ॥३॥

अर्थ :
काही दुर्जन लोक असे असतात की ते कुत्र्यासारखे सारखे भुंकत असतात त्यांना भुंकू द्यावे व त्यांचे काहीही बोलण्या पण मनाला लावून घेऊ नये. भाविकांनी दुर्जनांचे कोणतेही बोलणे मनावर घेऊ नये. अशा खळांची आपल्या बलाने जितकी फजित करता येईल तितकी करावे. तुकाराम महाराज म्हणतात या दुर्जनांना आपण ताडण केले म्हणजे कठोर शिक्षा दिली तरीही आपल्याला पाप लागत नाही.