15.
सदा माझे डोळे जडो तुझे मूर्ती । रखुमाईच्या पती सोयरिया ॥१॥
गोड तुझे रूप गोड तुझे नाम । देई मज प्रेम सर्व काळ ॥धृपद॥
विठो माउलिये हाचि वर देई । संचरोनि राही हृदयामाजी ॥२॥
तुका म्हणे काही न मागे आणीक । तुझे पायी सुख सर्व आहे ॥३॥

अर्थ :
हे माझ्या सोयरिया रखुमाईच्या पती माझे डोळे नित्य तुझ्या मूर्तीवर जडलेले असो अरे तुझे नाम व रूप इतके गोड आहे कि ते मला सदा सर्व काळ प्रेम देते व तू मला नित्य प्रेम दे. हे विठू माऊली मला हाच वर दे कि तू माझ्या हृदया मध्ये संचारून राहशील. तुकाराम महाराज म्हणतात हे देवा मी तुला दुसरे काही मागत नाही तुझ्या पायाशीच सर्व सुख आहे.