3310.
लावूनि कोलित । माझा करितील घात ॥१॥
ऐसे बहुतांचे संधी । सापडला खोळेमधी ॥धृपद॥
पाहातील उणे । तेथे देती अनुमोदने ॥२॥
तुका म्हणे रिघ । पुढे नाही झाले धींद ॥३॥

अर्थ :
अहो हे दुष्ट लोक माझ्या अंगाला कोलीत लावून माझा घात करतील. अशा खूप दुष्ट प्रकारच्या लोकांच्या मध्ये मी सापडलो आहे. माझ्यामध्ये काही कमीपणा आहे काय तो शोधतील आणि माझा घात करण्यासाठी हे अनुमोदन देतील. तुकाराम महाराज म्हणतात, यापुढे माझे आयुष्य सुखाने जाईल की नाही काय माहित नाही कारण या दुष्ट लोकांनी माझी खूप फजिती केली आहे.