2001.
आम्ही घ्यावे तुझे नाम । तुम्ही आम्हा द्यावे प्रमे ॥१॥
ऐसे निवडिले मुळी । संती बैसोनि सकळी ॥धृ
माझी डोयी पायावरी । तुम्ही न धरावी दुरी ॥२॥
तुका म्हणे केला । खंड दोघाचा विठ्ठला ॥३॥

अर्थ :
आम्ही तुझे नांव घ्यावे आणि तू आम्हाला प्रेम द्यावे. तुझे प्रेम आमच्या ठिकाणी उत्पन्न व्हावे असा सर्व संतांनी बसून पूर्वीच ठराव केला आहे. मी माझे डोके तुमच्या पायावर ठेवले आहे. तुम्ही आम्हाला दूर करू नये. तुकाराम महाराज म्हणतात हे विठ्ठला असा तुमच्यात आणि आमच्यात करारच झाला आहे.