1751.
बैसोनि निवांत शुद्ध करी चित्त । तया सुखा अंतपार नाही ॥१॥
येऊनि अंतरी राहील गोपाळ । सायासाचे फळ बैसलिया ॥धृपद॥
राम कृष्ण हरी मुकुंद मुरारि । मंत्र हा उच्चारी वेळोवेळा ॥२॥
तुका म्हणे ऐसे देईन मी दिव्य । जरी होईल भाव एकविध ॥३॥

अर्थ :
अरे तुम्ही एकातात बसुन प्रथम चित्त शुद्ध करा आणि ज्या वेळेस तुमचे चित्त शुद्ध होईल मग त्या सुखाला अंतपार नाही. एकदा की तुमचे अंतकरण शुद्ध झाले मग तो गोपाळ तुमच्या अंतकरणात येऊन राहिल आणि कष्टाने जे फळ प्राप्त होणार आहे ते फळ तुम्हाला बसल्या जागीच प्राप्त होईल. राम कृष्ण हरी मुकुंद मुरारी या मंत्राचा चा उच्चार तु वेळोवेळी करत राहा. तुकाराम महाराज म्हणतात तुझ्या मनामध्ये हरी विषयी एकनिष्ठ भक्ती भाव जर होईल तर मग मी तुला दिव्य प्रकारच्या अनुभवाचा साक्षात्कार घडुन देईल.