535.
देखीचा दिमाख शिंकोनिया दावी । हिऱ्या ऐसी केवी गारगोटी ॥१॥
मर्‍यादा ते जाणे अरे अभागिया । देवाच्या ऐसिया सकळ मूर्ती ॥धृपद॥
काय पडिलासे लटिक्याचे भरी । वोवाळुनि थोरी परती सांडी ॥२॥
तुका म्हणे पुढे दिसतसे घात । करितो फजित म्हणउनी ॥३॥

अर्थ :
दुसर्‍याचे पाहून शिकुन आपण मोठे पणा दाखविला, तर तो काही खरा नव्हे. गारगोट्या हिऱ्यासारख्याकशा होतील ? महाराज म्हणतात हे अभागी माणसा, आपणच सर्वश्रेष्ठ आहोत हे समजणे योग्य नाहि, कारण सर्वा मध्ये एकच चैतन्य मूर्ती आहे हे तू जाणून घे. खोट्या मोठ्यापाण च्या भरीला काय पडलास ? हा मोठे पाणाचा गर्व तू दूर कर. तुकाराम महाराज म्हणतात पुढे तुझा घात होणार आहे हे मनला माहित आहे, म्हणून मी तुझी निंदा करून मी तुला परमार्थाचा मार्ग दाखवीत आहे.