1107.
वर्त्तता वासर । काय करावे शरीर ॥१॥
ठेवा नेमून नेमून । माझे तुमचे पायी मन ॥धृपद॥
नेदाविया वृत्ती । कोठे फांको चि श्रीपती ॥२॥
तुका म्हणे भले । जन्मा येऊनिया ज्याले ॥३॥

अर्थ :
हे विठ्ठला अरे हे शरीर मर्‍यादितरहित वागत असेल तर हे शरीर ठेवून काय करावे ? त्यामुळे हे देवा माझे मन तुझ्या पायाच्या ठिकाणी नेमून ठेव. हे श्रीपती माझी वृत्ती तुमच्या पायापासून इतर कोठेही फाकु देऊ नका. तुकाराम महाराज म्हणतात जे मनुष्य जन्माला येऊन असे जगतात तेच खरे जगतात.