2377.
अनंत ब्रम्हांडे । एके रोमी ऐसे धेडे ॥१॥
तो या गौळियांचे घरी । उंबरा चढता टेंका धरी ॥धृपद॥
मारीले दैत्य गाडे । ज्यांचे पुराणी पवाडे ॥२॥
तुका म्हणे कळा । अंगी जयाच्या सकळा ॥३॥

अर्थ :
अनंत ब्रह्मांड ज्याच्या एका केसावर आहे असा जो विराट हरी आहे, असा हा हरी गवळ्यांच्या घरी त्यांचा उंबरा चढतांना हाताचा ठेका धरतो. या हरीने अनेक प्रकारचे मोठे मोठे प्रकारचे बलवान दैत्य मारले आहेत असे पुरानाने पवाडे गाऊन वर्णन केले आहे. तुकाराम महाराज म्हणतात सर्व कला आणि चातुर्य त्याच्या अंगी आहेत.
5:37