3.
सावध झालो सावध झालो । हरीच्या आलो जागरणा ॥१॥
तेथे वैष्णवाचे भार । जयजयकार गर्जतसे ॥धृपद॥
पळोनिया गेली झोप । होते पाप आड ते ॥२॥
तुका म्हणे तया ठाया । ओल छाया कृपेची ॥३॥

अर्थ :
तुकाराम महाराज दोन वेळा सवध झालो असे म्हणून हरिच्या जागराला आलो असे म्हणतात. तेथे आता वैष्णवांची गर्दी झाली असून, हरी भजनांची गर्जना होत आहे. नाम साधनेच्या आड येणारी पापरूपी झोप आता उडून गेली आहे. तुकाराम महाराज म्हणतात की त्या ठिकाणी हरीकृपेचा ओलाव व छाया आहे.