1585.
गुरुशिष्यगण । हे तो अधमलक्षण ॥१॥
भूती नारायण खरा । आप तैसाचि दुसरा ॥धृपद॥
न कळता दोरी साप । राहू नेंदावा तो काप ॥२॥
तुका म्हणे गुणदोषी । ऐसे न पडावे सोसी ॥३॥

अर्थ :
एखादया मनुष्याने गुरु व्हावे आणि त्याने दुसऱ्याला शिष्य करुन घ्यावे हे अधमपणाचे लक्षण आहे. सर्व भूतमात्रांमध्ये एक नारायण खरा आहे त्यामुळे जसे आपण आहोत तसेच दुसराही आहे. दोरी पडली की दोरीचे ज्ञान न होता सर्पाचा भास होतो व त्यामुळे भय उत्पन्न होते आणि ते भय नाहीसे करुन घ्यायचे असेल तर दोरीचे ज्ञान करुन घेणे आवश्यक आहे. तुकाराम महाराज म्हणतात, “लोकांचे गुणदोष पाहण्याच्या छंदात पडू नये सर्वत्र एक नारायणच आहे हा विचार करावा. ”