554.
चंदनाच्या वासे धरितील नाक । नावडे कनक न घडे हे ॥१॥
साकरेची गोडी सारिखी सकळा । थोरा मोठ्या बाळा धाकुटिया ॥२॥
तुका म्हणे माझे चित्त शुद्ध होते । तरि का निंदित जन मज ॥३॥

अर्थ :
चंदनाचा सुगंध आला तर कोणी नाक धरून बसेल काय ? कनक (सोने) कोणाला आवडणार नाही, असे होईल काय ? साखरेची गोडी लहान अथवा मध्यम किंवा थोर वयाच्या लोकांना सारखीच असते. तुकाराम महाराज म्हणतात माझे चित्त जर शुध्द असते तर लोकांनी माझी निंदा कधीच केली नसती.