289.
शांतीपरते नाही सुख । येर अवघेची दुःख ॥१॥
म्हणउनी शांति धरा । उतराल पैल तीरा ॥धृपद॥
खवळलिया कामक्रोधी । अंगी भरती आधिव्याधी ॥२॥
तुका म्हणे त्रिविध ताप । जाती मग आपेआप ॥३॥

अर्थ :
चित्तात शांती असेल तर सुख प्राप्त होते बाकी सर्वत्र दुखच आहे. म्हणून तुम्ही चित्तात शांती धारण करा मग तुम्ही भवसागर तरून जाताल. चित्तात काम क्रोध जर खवळले तर शरीरात व्याधी निर्माण होतात. तुकाराम महाराज म्हणतात तुम्ही चित्तात शांती धारण करा मग तुमचे त्रिविध ताप आपोआप नाहीसे होतील.