1371.
माझे माझ्या हाता आले । आता भले सकळ ॥१॥
कशासाठी विषम थारा । तो अंतरा विटाळ ॥धृपद॥
जाली तया दुःखे तुटी । मागिल पोटी नसावे ॥२॥
तुका म्हणे शुद्धकुळ । तेथे मळ कशाचा ॥३॥

अर्थ :
माझे आत्मस्वरूप माझ्या हाती आले त्यामुळे सर्व काही भले झाले. आता मी विषमतेला कशासाठी थारा देऊ कारण त्याने अंतकरण विटाळत असते. पूर्वी झालेल्या दुःखाचा आत्मज्ञानामुळे विसर पडला त्यामुळे मागील दुःखाची मनात आठवण न झालेलीच चांगली आहे. तुकाराम महाराज म्हणतात आत्मज्ञानामुळे माझे कुळ शुद्ध झाले मग तेथे कशाचा मळ राहिला आहे ?