874.
शाहाणिया पुरे एकचि वचन । विशारती खुण तेचि त्यासी ॥१॥
उपदेश असे बहुतांकारणे । घेतला तो मने पाहिजे हा ॥धृपद॥
फांसावेना तरि दुःख घेते वाव । मग होतो जीव कासावीस ॥२॥
तुका म्हणे नको राग धरू झोंडा । नुघडिता पीडा होईल डोळे ॥३॥

अर्थ :
शाहन्या व्यक्तीला एक इशारच खूप असतो त्याला पुढील ज्ञान समजून घेण्यासाठी तो इशाराच खूप असतो. संत उपदेश सर्वाना करतात परंतु संतांचा उपदेश एकाग्र मानाने घेतला पाहिजे. एखाद्याला जर गळू झाले तर ते कापणे योग्य नाही तर ते वाढून जीव कासावीस होतो. तुकाराम महाराज म्हणतात अरे निर्लज्जा मी केलेल्या उपदेशाचा राग तू माणू नको जर तू लवकरच आपले डोळे उघडले नाही तर तुलाच पिडा होईल.