1312.
झाले समाधान । तुमचे धरिले चरण ॥१॥
आता उठावेसे मना । येत नाही नारायणा ॥धृपद॥
सुरवाडिकपणे । जेथे सापडले केणे ॥२॥
तुका म्हणे भोग । गेला निवारला लाग ॥३॥

अर्थ :
देवा मी तुमचे चरण खऱ्या भक्तीभावाने धरले आहे त्यामुळे माझ्या मनाचे समाधान झाले आहे. नारायण आता तुमच्या सुंदर चरणापासून उठावे असे मनातही येत नाही. तुमच्या चरणांजवळ मला कोणतेही कष्ट न करता मोक्ष रुपी माल सापडला आहे. तुकाराम महाराज म्हणतात देवा माझ्या संचित कर्माचा भोग नष्ट झाला आहे.