479.
जवळी मुखापाशी । असता नेघे अहर्निशी ॥१॥
भवनिर्दाळण नाम । विठ्ठल विठ्ठल नासी काम ॥धृपद॥
सुखाचे शेजार । करू का नावडे घर ॥२॥
तुका म्हणे ठेवा । का हा न करीच बरवा ॥३॥

अर्थ :
अहो हरीचे नाम अगदी मुखाजवळ आहे तरीदेखील तुम्ही रात्रंदिवस त्याचे नाम का घेत नाहीत ? विठ्ठलाचे नाम हे संसाराचा निरास करून अनेक कामाचा नाश करणारे आहे. हे नाम सुख मय शेजार आहे, ते तुला का आवडत नाही ? तुकाराम महाराज म्हणतात तुम्ही हरिनामाचा हा उत्तम प्रकारचा ठेवा जतन करून का ठेवत नाही ?