1130.
जेथे कीर्तन करावे । तेथे अन्न न सेवावे ॥१॥
बुका लावू नये भाळा । माळ घालू नये गळा ॥धृपद॥
तटावृषभासी दाणा । तृण मागो नये जाणा ॥२॥
तुका म्हणे द्रव्य घेती । देती ते ही नरका जाती ॥३॥

अर्थ :
जेथे कीर्तन करावे तेथिल अन्न देखील खाऊ नये. तेथील बुक्का देखील कपाळाला लावून घेऊ नये. आणि फुलांची माळ देखील घालून घेऊ नये. आपल्या घोड्यासाठी बैलासाठी वैरण गवत दाना देखील मागू नये कीर्तनाला जात असताना आपण घोडे बैल गाडी वगैरे काही नेली तर त्याचा चारापाणी देखील आपण बरोबर घेऊन जावे. तुकाराम महाराज म्हणतात कीर्तन करून जे द्रव्य घेतात आणि देतात त्या दोघानाही नरक प्राप्त होते.