1503.
भुके नाही अन्न । मेल्यावरी पिंडदान ॥१॥
हे तो चाळवाचाळवी । केले आपण चि जेवी ॥धृपद॥
नैवेद्याचा आळ । वेचे ठाकणी सकळ ॥२॥
तुका म्हणे जड । मज न राखावे दगड ॥३॥

अर्थ :
काही असे लोक आहेत की ते जिवंत असणाऱ्या बापाला जेवण देत नाही परंतु मेल्यावर मात्र पिंडदान करतात. ही तर फसवाफसवी आहे कारण श्रद्धा करिता केलेले अन्न तो स्वतः खात असतो, देवाला नैवेद्य म्हणून गोडधोड अन्न करतात आणि स्वतः खातात. तुकाराम महाराज म्हणतात देवा मला असल्या जड असणाऱ्या लोकाप्रमाणे ठेवू नका.