90.
घेऊनिया चक्र गदा । हाचि धंदा करीतो ॥१॥
भक्ता राखे पायापासी । दुर्जनासी संहारी ॥धृपद॥
अव्यक्त ते आकारले । रूपा आले गुणवंत ॥२॥
तुका म्हणे पुरवी इच्छा । जया तैसा विठ्ठल ॥३॥

अर्थ :
हातामधे चक्र, गदा घेऊन देव सतत भक्ताचे रक्षण करण्याचा धंदा करत असतो. भक्तांचे रक्षण करुण त्यांना आपल्या पायजवर स्थान देतो; पण दुष्टांचा मात्र नाश करतो. भक्तांसाठी तो अव्यक्त रूपातुन व्यक्त रुपात येतो. तुकाराम महाराज म्हणतात, भक्तांच्या सर्व इच्छा तो पूर्ण करतो.