2117.
पिंगळा बोले महाद्वारी | निशा सरली दिशा चारी |उठा उठा हो श्रीह्री | उदयो प्रकाशला दिनकरी ॥१॥
देवा शकुन ऐकाबा ॥ धृ ॥संत साधु अपरिमित | अवघा भरियेला थाट |टाळ विणे वाद्य वांजत | आवडी मंजुळ स्वरे गात ॥२॥
नादे अंबर दणाणले | तेहतीस कोटी देव मिळाले |आवडी पहावया आले | स्वर्ग सुखाते विसरले ॥३॥
भई रखुमाई माते | उठवा उठवा श्रीरंगाते |नारद तुंबर गायनाते | कर जोडूनि हनुमंत ॥४॥
उठिला सांवळा वनमाळी | आनंदली भक्तमंडळी |जयजयकारे पिटली टाळी | विठ्ठलनामे दिधली आरोळी ॥५॥
पिंगळा आनंदला मनी | तेजे न माये गगनी |हर्षे घातली लोळणी | शिंपी नामा तुझे चरणी ॥६॥