1661.
समर्थाचे केले । मोडिले कोणा जाईल ॥१॥
वाया करावी ते उरे । खटपट सोस पुरे ॥धृपद॥
ठेवा जो ठेविला । आपुलाला तैसा खावा ॥२॥
ज्याचे त्याचे हाती । भुके तयाची फजिती ॥३॥
तुका म्हणे कोटी । वाळे जाले शूळ पोटी ॥४॥

अर्थ :
प्रत्यक्ष जे समर्थाने तयार केले आहे ते कोणाकडुन मोडले जाईल ? त्याने तयार केलेली कोणतीही गोष्ट मोडण्याचा प्रयत्न केला तर ती व्यर्थ खटपट होऊन शेवटी श्रम होतील. जसे आपले संचित आहे त्याप्रमाणे ते भोगावे. जो समर्थांच्या विरुद्ध व्यर्थ बडबड करतो त्याची शेवटी फजिती होते. तुकाराम महाराज म्हणतात असे कोटी अभक्त आहेत की जे भगवंताला विरोधात गेले परंतु शेवटी त्यांच्या पोटात शुळच बसला व्यर्थ श्रम झाला.