1165.
हीन माझी याति । वरी स्तुती केली संती ॥१॥
अंगी वसू पाहे गर्व । माझे हरावया सर्व ॥धृपद॥
मी एक जाणता । ऐसे वाटतसे चित्ता ॥२॥
राख राख गेलो वाया । तुका म्हणे पंढरीराया ॥३॥

अर्थ :
देवा एकतर माझी जात हीन आहे आणि त्यावर संतांनी माझी भरपूर स्तुती केली आहे. देवा मी परमार्थामध्ये जे काही प्राप्त केले आहे ते सर्व हरण करण्याकरताच अभिमान माझ्या अंगी राहायला पाहता आहे. देवा अहंकाराने मला असे वाटायला लागले की या जगामध्ये मीच सर्व काही जाणत आहे. तुकाराम महाराजांचा देवा स्तुती व अभिमान यांनीच मी वाया चाललो आहे त्यामुळे तुम्हीच माझे रक्षण करावे.