395.
भक्ताचे आचरित आपणचि होय ।
भगवंताची साय सारीच ना ॥१॥
कीर्तनी आदर शांति क्षमा वसे ।
देह जाता कैसे दंडळेना ॥२॥
भक्ति आणि ज्ञान वैराग्य वोतले ।
प्रेम वोसंडले सर्वकाळ ॥३॥
क्रिया कर्म जे जे अर्पी ईश्वरासी ।
अखंड वाचेसी रामराम ॥४॥
अर्वाचक बोल नयेचि मुखासी ।
केवी पतिव्रतेसी परपुरूष सीवे ॥५॥
सर्वांभूती भाव संततची धरी ।
नमस्कार करी भूतमात्रा ॥६॥
अगर्वता मनी संता लोटांगण ।
आठवी चरण श्रीगुरूचे ॥७॥
बहेणि म्हणे ऐसे भक्त आचरित ।
तयासी भगवंत जवळी असे ॥८॥